ஐஸ்வர்யா ரஜினிகாந்த் ஹிந்தியில் 2 படங்களை இயக்க இருப்பதாக தகவல்கள் வெளியாகியுள்ளது.
நடிகர் தனுஷை விட்டு ஐஸ்வர்யா பிரிந்த பிறகு இருவரும் தங்களுடைய வேலைகளில் பிசியாகி விட்டனர். தற்போது ஐஸ்வர்யா ரஜினிகாந்த் முசாபிர் என்னும் காதல் பாடலை இயக்கி வெளியிட்டார். இந்நிலையில் ஐஸ்வர்யா ரஜினிகாந்த் ஓ சாந்தி சல் என்ற இந்தி படத்தை இயக்கப் போவதாக அறிவிப்பு வெளியிட்டுள்ளார். இது ஐஸ்வர்யா இயக்கும் முதல் இந்தி படம் ஆகும். இதைத்தொடர்ந்து ஐஸ்வர்யாவுக்கு இன்னொரு இந்தி படத்தை இயக்குவதற்கும் வாய்ப்பு கிடைத்துள்ளது.
இதற்கிடையில் தனுஷ் ஆனந்த் எல்.ராய் இயக்கத்தில் ஒரு ஹிந்தி படத்தில் நடிக்கவிருக்கிறார். இதைத்தொடர்ந்து தனுஷ் ஒரு நிறுவனம் தயாரிக்கும் இந்தி படத்திலும் நடிக்க இருக்கிறார். நடிகர் தனுஷ் 2 இந்திப் படங்களில் நடிக்க இருக்கும் நேரத்தில் ஐஸ்வர்யாவும் 2 இந்தி படங்களை இயக்கவிருக்கிறார். இதை கேள்விப்பட்ட ரசிகர்கள் தனுஷ் எங்கே சென்றாலும் ஐஸ்வர்யாவும் பின்னால் செல்வதாக கூறி வருகின்றனர்.