நாடு முழுவதும் கொரோனா பரவல் காரணமாக பல்வேறு தேர்வுகள் ஒத்தி வைக்கப்பட்டன . அதிலும் முக்கியமாக நீட்தேர்வு ஒத்திவைக்கப்பட்டது. ஆனால் இதற்கு மத்தியில் நீட் தேர்வை நிரந்தரமாக ரத்து செய்ய வேண்டும் என்று கோரிக்கை எழுந்து வருகிறது. இந்நிலையில் செப்டம்பர் 12ஆம் தேதி நாடு முழுவதும் நீட் மருத்துவ நுழைவுத் தேர்வு நடைபெறும் என்று மத்திய கல்வி அமைச்சர்தர்மேந்திர அறிவித்துள்ளார். இதற்கு அரசியல் கட்சியினர் ஒருசிலர் ஆதரவும், எதிர்ப்பும் தெரிவித்து வருகின்றனர்.
இந்நிலையில் நீட் போன்ற நுழைவுத்தேர்வுகளை தற்காலிகமாக நிறுத்த திட்டமில்லை என்று ஒன்றிய சுகாதாரம் மற்றும் குடும்ப நலத்துறை அமைச்சர் பாரதி பவார் தெரிவித்துள்ளார். நீட் தேர்வுகள் செப்டம்பர் மாதம் 11 மற்றும் 12 தேதிகளில் முன்னெச்சரிக்கை நடவடிக்கைகளுடன் நடைபெறும் என்றும் தேர்வு மையத்தில் மாணவர்களுக்கு முகக்கவசம், சானிடைசர் உள்ளிட்ட பாதுகாப்பு உபகரணங்கள் வழங்கப்படும் என்றும் அவர் தெரிவித்துள்ளார்.