சீனாவை சேர்ந்த சைஸ்கிரீம் என்ற ஐஸ்கிரீம் நிறுவனம் நெருப்பிலும் உருகாத வித்தியாசமான ஐஸ்கிரீம் ஒன்றை தயாரித்துள்ளது. இது ஒரு பக்கம் மக்களின் கவனத்தை வெகுவாக ஈர்த்தாலும் மற்றொரு பக்கம் இதில் அதிக ரசாயனங்கள் சேர்க்கப்பட்டிருக்குமோ என்ற சந்தேகமும்,இதன் விலை அதிகமாக தான் இருக்கும் எனவும் சந்தேகத்தை ஏற்படுத்தி உள்ளது. விலை மற்றும் அதில் சேர்க்கப்பட்டுள்ள பொருட்கள் பற்றி அந்த நிறுவனம் விளக்கம் அளித்துள்ளது.
அதன்படி அந்த ஐஸ்கிரீம் விலை 66 சீன யுவான், அதாவது இந்திய ரூபாய் மதிப்பில் 750 ரூபாய் என்று அந்நிறுவனம் தெரிவித்துள்ளது. அது மட்டுமல்லாமல் இதில் சேர்க்கப்பட்டிருக்கும் மூலப் பொருட்கள் அனைத்தும் சீனாவின் தேசிய உணவு பாதுகாப்பு விதிமுறைகளுக்கு உட்பட்டவை என்றும் பொதுமக்களுக்கு விளக்கம் அளித்துள்ளது.