நடிகை ஐஸ்வர்யா ராஜேஷ் அடுத்ததாக நடிக்கும் படம் குறித்த தகவல் வெளியாகியுள்ளது.
தமிழ் திரையுலகில் முன்னணி கதாநாயகியாக வலம் வரும் ஐஸ்வர்யா ராஜேஷ் நடிப்பில் கடைசியாக வெளியான திட்டம் இரண்டு, பூமிகா ஆகிய படங்கள் ரசிகர்களிடையே நல்ல வரவேற்பை பெற்றது. தற்போது இவர் மோகன்தாஸ், டிரைவர் ஜமுனா, தி கிரேட் இந்தியன் கிச்சன் மலையாளப் படத்தின் தமிழ் ரீமேக் உள்பட பல படங்களில் நடித்து வருகிறார். மேலும் இவர் பீம்லா நாயக், ரிபப்ளிக் போன்ற தெலுங்கு படங்களிலும் நடித்து வருகிறார்.
இந்நிலையில் ஐஸ்வர்யா ராஜேஷ் அடுத்ததாக நடிக்கும் படம் குறித்த தகவல் வெளியாகியுள்ளது. அதன்படி இவரது அடுத்த படத்தை நெல்சன் வெங்கடேசன் இயக்க இருக்கிறார். இவர் எஸ்.ஜே.சூர்யாவின் ‘மான்ஸ்டர்’ படத்தை இயக்கி பிரபலமடைந்தவர் என்பது குறிப்பிடத்தக்கது. மேலும் இந்த படத்தை ட்ரீம் வாரியர் பிக்சர்ஸ் நிறுவனம் தயாரிக்க இருப்பதாக கூறப்படுகிறது . விரைவில் இந்த படம் குறித்த அறிவிப்புகள் வெளியாகும் என எதிர்பார்க்கப்படுகிறது.