டொவினோ தாமஸ் நடிப்பில் உருவாகியுள்ள மின்னல் முரளி படத்தின் ரிலீஸ் குறித்த அறிவிப்பு வெளியாகியுள்ளது.
மலையாள திரையுலகில் பிரபுவின்டே மக்கள் படத்தின் மூலம் நடிகராக அறிமுகமானவர் டொவினோ தாமஸ். இதை தொடர்ந்து இவர் சார்லி, ஸ்டைல், கோதா, வைரஸ் போன்ற படங்களில் நடித்து பிரபலமடைந்தார். தற்போது இவர் துல்கர் சல்மான் நடிப்பில் உருவாகியுள்ள குரூப் படத்தில் ஒரு முக்கிய வேடத்தில் நடித்துள்ளார். மேலும் பாசில் ஜோசப் இயக்கத்தில் உருவாகியுள்ள மின்னல் முரளி படத்தில் டோவினோ தாமஸ் சூப்பர் ஹீரோவாக நடித்துள்ளார். இந்த படத்தில் அஜு வர்கீஸ், குரு சோமசுந்தரம், ஹரிஸ்ரீ அசோகன் உள்ளிட்ட பலர் நடித்துள்ளனர்.
வீக் எண்ட் பிளாக்பஸ்டர்ஸ் நிறுவனம் தயாரித்துள்ள இந்த படத்திற்கு ஷான் ரஹ்மான், சுசில் ஷ்யாம் இருவரும் இசையமைத்துள்ளனர். இந்த படம் மலையாளம், தமிழ், ஹிந்தி, தெலுங்கு, கன்னடம் ஆகிய மொழிகளில் வெளியாக உள்ளது. இந்நிலையில் மின்னல் முரளி படத்தின் ரிலீஸ் குறித்த அறிவிப்பு வெளியாகியுள்ளது. அதன்படி இந்த படம் வருகிற செப்டம்பர் 24-ஆம் தேதி நேரடியாக நெட்பிளிக்ஸில் ரிலீஸாகவுள்ளது.