விவசாயிகளுடன் நேருக்கு நேர் பேச பிரதமர் மோடிக்கு தைரியமில்லை என காங்கிரஸ் பிரமுகர் சவுத்ரி குற்றம் சாட்டியுள்ளார்.
மத்திய அரசு நிறைவேற்றியுள்ள வேளாண் சட்டங்களுக்கு எதிர்ப்பு தெரிவித்து விவசாயிகள் அனைவரும் டெல்லியில் தொடர் போராட்டத்தில் ஈடுபட்டுள்ளனர். சுமார் 40 அமைப்புகளை சேர்ந்த விவசாயிகள் நடத்தி வரும் போராட்டம் இன்றுடன் 50வது நாளை எட்டியுள்ளது. மத்திய அரசு பல்வேறு கட்ட பேச்சுவார்த்தை நடத்திய போதிலும் எந்த ஒரு முடிவும் எட்டப்படவில்லை.
வேளாண் சட்டத்தை முழுவதுமாக திரும்ப பெறும் வரையில் எங்கள் போராட்டம் தொடரும் என விவசாயிகள் அனைவரும் தெரிவித்துள்ளனர். இந்நிலையில் 6வது கட்ட பேச்சுவார்த்தையும் ரத்து செய்யப்பட்டுள்ளது. கொட்டும் பனியில் கடும் குளிரையும் பொருட்படுத்தாமல் தொடர் போராட்டத்தில் ஈடுபட்டு வரும் விவசாயிகளுக்கு நாடு முழுவதும் ஆதரவு பெருகியுள்ளது.
இந்நிலையில் வேளாண் சட்டங்களை எதிர்த்து போராடும் விவசாயிகளுடன் நேருக்கு நேர் பேச பிரதமர் மோடிக்கு தைரியம் இல்லை எனவும், 18 ஆயிரம் கோடி விவசாயிகளின் வங்கிக் கணக்குகளுக்கு நேரடியாக மாற்றப்படுவது குறித்து பேசுகிறது. ஆனால் அந்த முழு தொகையும் விவசாயிகளைச் சென்றடையவில்லை எனவும் காங்கிரஸ் பிரமுகர் சவுத்ரி குற்றம் சாட்டியுள்ளார்.