மோட்டார் சைக்கிள்- ஸ்கூட்டர் மோதிய விபத்தில் 2 கல்லூரி மாணவர்கள் உயிரிழந்த சம்பவம் சோகத்தை ஏற்படுத்தியுள்ளது.
கன்னியாகுமரி மாவட்டத்திலுள்ள ஈத்தாமொழி பகுதியில் தங்க ராஜா என்பவர் வசித்து வருகிறார். இவருக்கு தேவ அரசு என்ற மகன் இருந்துள்ளார். இவர் திருச்சியில் இருக்கும் கேட்டரிங் கல்லூரியில் படித்து வந்துள்ளார். இந்நிலையில் தேவ அரசு தனது மோட்டார் சைக்கிளில் நாகர்கோவில் சாலையில் சென்று கொண்டிருந்தார். அப்போது எஞ்சினியரிங் கல்லூரி மாணவரான லிஜோஸ் என்பவர் ஓட்டி சென்ற ஸ்கூட்டர் தேவ அரசுவின் மோட்டார் சைக்கிள் மீது பயங்கரமாக மோதிவிட்டது. இந்த விபத்தில் படுகாயமடைந்த தேவ அரசு சம்பவ இடத்திலேயே பரிதாபமாக உயிரிழந்துவிட்டார்.
இதனை அடுத்து உயிருக்கு போராடிக் கொண்டிருந்த லிஜோஸை அருகில் உள்ளவர்கள் மீட்டு மருத்துவமனைக்கு சிகிச்சைக்காக கொண்டு சென்றனர். ஆனால் மருத்துவமனைக்கு போகும் வழியிலேயே அவர் பரிதாபமாக உயிரிழந்துவிட்டார். இதுகுறித்து தகவல் அறிந்த காவல்துறையினர் சம்பவ இடத்துக்கு விரைந்து சென்று தேவ அரசுவின் சடலத்தை கைப்பற்றி அரசு மருத்துவமனைக்கு பிரேத பரிசோதனைக்காக அனுப்பி வைத்துள்ளனர். மேலும் இதுகுறித்து வழக்குப்பதிவு செய்த காவல்துறையினர் விசாரணை மேற்கொண்டு வருகின்றனர்.