பகுதி நேர நியாயவிலைக் கடைகளை அமைச்சர் திறந்து வைத்துள்ளார்.
ராணிப்பேட்டை மாவட்டத்தில் உள்ள வாலாஜா ஒன்றியத்திற்கு உட்பட்ட குடிமல்லூர், மலை மேடு, திருவள்ளுவர் நகர் போன்ற பகுதிகளில் 3 பகுதிநேர நியாய விலைக் கடைகள் திறக்கப் பட்டுள்ளது. இந்த நியாயவிலைக் கடைகளை அமைச்சர் ஆர்.காந்தி திறந்து வைத்தார். இதற்கு மாவட்ட ஆட்சியர் பாஸ்கர பாண்டியன் தலைமை தாங்கினார். இந்த திறப்பு விழாவின் போது அமைச்சர் ஆர்.காந்தி பத்திரிகையாளர்களுக்கு பேட்டியளித்தார். அதில் மக்களின் கோரிக்கைகளை ஏற்று அரசு பகுதிநேர நியாய விலைக் கடைகளை திறந்துள்ளது. இந்த கடைகள் தமிழ்நாட்டில் வேறு எந்த மாவட்டத்திலும் திறக்கப்படவில்லை.
மேலும் ராணிப்பேட்டை மாவட்டத்தில் மொத்தம் 294 முழு நேர நியாயவிலை கடைகள் இருப்பதாகவும், 298 பகுதி நேர நியாயவிலை கடைகள் செயல்பட்டு வருவதாகவும் கூறினார். மேலும் நம்முடைய அரசு மக்களை தேடி வந்து பல்வேறு நலத்திட்ட உதவிகளை செய்து வருகிறது என்று கூறினார். இந்த விழாவின் போது அமைச்சர் ஈஸ்வரப்பன், மாவட்ட ஊராட்சி குழு தலைவர் ஜெயந்தி திருமூர்த்தி, வாலாஜா ஒன்றிய குழு தலைவர் வெங்கட்ரமணன் உள்ளிட்ட பலர் உடனிருந்தனர்.