ஜம்மு காஷ்மீர் மாநிலத்தின் இமயமலைப் பகுதியில் உள்ள அமர்நாத் என்ற குகைப் பகுதியில் இயற்கையாக உருவாகும் பனி லிங்கத்தை தரிசிக்க, நாடு முழுவதும் ஆண்டு தோறும் லட்சக்கணக்கான பக்தர்கள் யாத்திரை சென்று வருவது வழக்கம். இவ்வாறு ஆண்டுதோறும் சராசரியாக 3 லட்சம் பேர் அமர்நாத் பனிலிங்கத்தை தரிசனம் செய்ய செல்வார்கள்.
இந்நிலையில் கொரோனா காரணமாக இரண்டு வருடங்களாக நிறுத்தி வைக்கப்பட்டிருந்த அமர்நாத் யாத்திரை மீண்டும் இந்த வருடம் ஜூன் 30-ஆம் தேதி தொடங்கி ஆகஸ்ட் 11ம் தேதி வரை நடைபெற உள்ளது. இந்நிலையில் அமர்நாத் யாத்திரை முன்பதிவு https://www.shriamarnathjishrine.com என்ற இணையதளம் மூலம் தொடங்கியுள்ளது. மேலும் அமர்நாத் யாத்திரிகர்களுக்கு காப்பீட்டுத் தொகை 3 லட்சத்திலிருந்து 5 லட்சமாக உயர்த்தப்பட்டுள்ளது.