மத்திய பிரதேசம் மாநிலம் இந்தூரில் வசித்து வந்த பெண் ஒருவர் ஒரு பெண் குழந்தையை தத்தெடுத்து வளர்த்து வந்தார். 9 வயதான அந்த சிறுமி இரவு உறங்கும்போது படுக்கையில் சிறுநீர் கழித்துள்ளது. இதனால் ஆத்திரம் அடைந்த அந்த வளர்ப்புத் தாய் சிறுமியை அடித்து உதைத்ததோடு பிறப்புறுப்பில் சூடு வைத்து சித்திரவதை செய்துள்ளார். அந்த சிறுமியின் பிறப்புறுப்பில் பல இடங்களில் காயம் ஏற்பட்டு இதனால் சிறுமிக்கு நேர்ந்த கொடூரம் குறித்து பக்கத்து வீட்டுக்காரர்களுக்கு தெரிய வரவே உடனடியாக அவர்கள் அந்த சிறுமியை மருத்துவமனையில் சேர்த்து சிகிச்சை அளித்தனர்.
இது குறித்து காவல்துறைக்கும் தகவல் கொடுக்கப்பட்டது. புகாரின் அடிப்படையில் போலீசார் சிறுமியின் வளர்ப்பு தாய் மீது வழக்கு பதிவு செய்துள்ளனர். இந்த சம்பவம் தொடர்பாக குழந்தைகள் நல கமிட்டி தலைவர் கூறுகையில் அந்த சிறுமியின் தலைமுடி புடுங்கப்பட்டுள்ளது என்றும், உடல் முழுவதும் நகக்கிரல்கள் இருக்கிறது என்று தெரிவித்துள்ளனர். அந்த சிறுமி விரைவில் காப்பகத்தில் ஒப்படைக்கப்படுவார் எனவும் காவல்துறையினர் தெரிவித்துள்ளனர்.