பத்திர எழுத்தாளரை தாக்கிய தந்தை, மகன் ஆகிய இருவரையும் காவல்துறையினர் கைது செய்தனர்.
பெரம்பலூர் மாவட்டத்திலுள்ள வேப்பந்தட்டையில் பத்திர எழுத்தாளரான செங்கமலை(60) என்பவர் வசித்து வருகிறார். இவரிடம் அதே பகுதியில் வசிக்கும் ஜெய்கணேஷ் என்பவர் கடனாக பணம் வாங்கியுள்ளார். இந்நிலையில் செங்கமலை தனது நண்பரான வேல்முருகன் என்பவருடன் இணைந்து பணத்தை திருப்பித் தருமாறு ஜெய்கணேஷிடம் கேட்டுள்ளார்.
அப்போது அவர்களுக்குள் தகராறு ஏற்பட்டது. இதில் கோபமடைந்த ஜெய்கணேஷ் மற்றும் அவரது மகன் கோகுல், சகோதரர்கள் முத்துக்குமார், மணிகண்டன் மற்றும் 18 வயது சிறுவன் ஆகியோர் இணைந்து வேல்முருகன் மற்றும் செங்கமலை ஆகிய இருவரையும் சரமாரியாக தாக்கியுள்ளனர்.
இதனால் படுகாயமடைந்த இரண்டு பேரையும் அருகிலுள்ளவர்கள் மீட்டு மருத்துவமனையில் சிகிச்சைக்காக அனுமதித்தனர். இதுகுறித்த புகாரின் பேரில் வழக்குப்பதிவு செய்த காவல்துறையினர் ஜெய்கணேஷ் மற்றும் கோகுல் ஆகிய இருவரையும் கைது செய்தனர். மேலும் தலைமறைவாக இருக்கும் 18 வயது சிறுவன், மணிகண்டன், முத்துக்குமார் ஆகியோரை காவல்துறையினர் தீவிரமாக தேடி வருகின்றனர்.