தவறி விழுந்து வாலிபர் உயிரிழந்த சம்பவம் சோகத்தை ஏற்படுத்தியுள்ளது.
சென்னை மாவட்டத்தில் உள்ள தண்டையார்பேட்டை பகுதியில் சங்கர் என்பவர் வசித்து வந்துள்ளார். இவர் எஸ். என். செட்டி சாலை பகுதியில் அமைந்துள்ள ஒரு வீட்டில் ஓடுகளை பிரிக்கும் பணியில் ஈடுபட்டு கொண்டிருந்தார். அப்போது திடீரென சங்கர் நிலைதடுமாறி மேலிருந்து கீழே விழுந்து விட்டார். இதில் படுகாயம் அடைந்த சங்கர் சம்பவ இடத்திலேயே பரிதாபமாக உயிரிழந்து விட்டார்.
இதனை பார்த்து அதிர்ச்சி அடைந்த பொதுமக்கள் உடனடியாக காவல்துறையினருக்கு தகவல் தெரிவித்துள்ளனர். அந்த தகவலின் படி சம்பவ இடத்திற்கு விரைந்து சென்ற காவல்துறையினர் சங்கரின் சடலத்தை கைப்பற்றி பிரேத பரிசோதனைக்காக அரசு மருத்துவமனைக்கு அனுப்பி வைத்துள்ளனர். மேலும் இதுகுறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.