மோட்டார் சைக்கிள் மீது கார் மோதிய விபத்தில் தந்தை-மகள் பலியான சம்பவம் சோகத்தை ஏற்படுத்தியுள்ளது.
திருநெல்வேலி மாவட்டத்தில் உள்ள முத்துசாமிபுரத்தில் கூலி தொழிலாளியான ஐயப்பன்(55) என்பவர் வசித்து வந்துள்ளார். இவருக்கு ஜான்சி(24) என்ற மகள் இருந்துள்ளார். இவருக்கு திருமணமாகி பெண் குழந்தை இருக்கிறது. இந்நிலையில் வள்ளியூரில் இருக்கும் தனியார் டெய்லரிங் நிறுவனத்தில் ஜான்சி வேலை பார்த்து வந்துள்ளார். நேற்று காலை ஐயப்பன் தனது மகளை வேலைக்கு மோட்டார் சைக்கிளில் அழைத்து சென்றுள்ளார். இந்நிலையில் பணங்குடி நான்கு வழிச்சாலையில் சென்று கொண்டிருந்தபோது அவ்வழியாக வேகமாக வந்த கார் மோட்டார் சைக்கிள் மீது பயங்கரமாக மோதியது.
இந்த விபத்தில் படுகாயமடைந்த ஜான்சி சம்பவ இடத்திலேயே பரிதாபமாக உயிரிழந்தார். இதனை அடுத்து உயிருக்கு போராடிக் கொண்டிருந்த ஐயப்பனை அக்கம்பக்கத்தினர் மீட்டு மருத்துவமனைக்கு அனுப்பி வைத்தனர். ஆனால் மருத்துவமனைக்கு போகும் வழியிலேயே ஐயப்பன் பரிதாபமாக உயிரிழந்தார். இதுகுறித்து வழக்குபதிந்த போலீசார் கார் ஓட்டுனரான மணிகண்டன் என்பவரை கைது செய்து விசாரணை மேற்கொண்டு வருகின்றனர்.