கார் மோதிய விபத்தில் 4 மாணவிகள் படுகாயம் அடைந்த சம்பவம் பெரும் பரபரப்பை ஏற்படுத்தியுள்ளது.
நீலகிரி மாவட்டத்திற்கு விடுமுறை தினத்தை ஒட்டி ஏராளமான சுற்றுலா பயணிகள் வந்திருந்தனர். இந்நிலையில் ஊட்டியிலிருந்து கூடலூர் வழியாக ஒரு கார் சென்று கொண்டிருந்தது. திடீரென அந்த கார் கட்டுப்பாட்டை இழந்து சாலையில் நடந்து சென்று கொண்டிருந்த மாணவிகள் மீது மோதியது.
இந்த விபத்தில் 11-ஆம் வகுப்பு மாணவிகளான அனுஜா, ஹேமா, நாகவள்ளி, சசிகலா ஆகியோருக்கு பலத்த காயம் ஏற்பட்டுள்ளது. அவர்களை அக்கம் பக்கத்தினர் மீட்டு சிகிச்சைக்காக கூடலூர் அரசு மருத்துவமனைக்கு அனுப்பி வைத்தனர். அங்கு மாணவிகளுக்கு தீவிர சிகிச்சை அளிக்கப்பட்டு வருகிறது. இதுகுறித்து காவல்துறையினருக்கு தகவல் தெரிவிக்கப்பட்டது அந்த தகவலின்படி வழக்குப்பதிவு செய்த காவல்துறையினர் விசாரணை மேற்கொண்டு வருகின்றனர்.