மோட்டார் சைக்கிள் மீது கார் மோதிய விபத்தில் தாய்-மகள் பலியான சம்பவம் சோகத்தை ஏற்படுத்தியுள்ளது.
ஈரோடு மாவட்டத்திலுள்ள கோபி வாய்க்கால் ரோட்டில் ஓட்டுநரான நவீன் ராஜ் என்பவர் வசித்து வருகிறார். இவருக்கு கயல்விழி என்ற மனைவி இருந்துள்ளார். இந்நிலையில் தம்பதியினர் இருவரும் மகளான வைசாலியுடன் கொடிவேரி அணைக்கு மோட்டார் சைக்கிளில் சென்று கொண்டிருந்தனர். இவர்கள் காந்தி நகர் அருகே சென்று கொண்டிருந்தபோது எதிரே வேகமாக வந்த கார் மோட்டார் சைக்கிள் மீது பலமாக மோதியது. இந்த விபத்தில் படுகாயமடைந்த கயல்விழியும், வைசாலியும் சம்பவ இடத்திலேயே பரிதாபமாக இறந்துவிட்டனர்.
இதனை அடுத்து உயிருக்கு போராடி கொண்டிருந்த நவீன் ராஜை அருகில் உள்ளவர்கள் மீட்டு மருத்துவமனைக்கு சிகிச்சைக்காக அனுப்பி வைத்தனர். இதுகுறித்து தகவல் அறிந்த காவல்துறையினர் தாய் மற்றும் மகளின் சடலங்களை கைப்பற்றி அரசு மருத்துவமனைக்கு பிரேத பரிசோதனைக்காக அனுப்பி வைத்தனர். மேலும் இது குறித்து வழக்குப்பதிவு செய்த காவல்துறையினர் விசாரணை மேற்கொண்டு வருகின்றனர்.