சேலத்தில் இருந்து முட்டை லோடு ஏற்றிக்கொண்டு கோவை நோக்கி சரக்கு வேன் சென்று கொண்டிருக்கிறது. இந்த வேன் ஈரோடு மாவட்டத்தில் உள்ள பெருந்துறை காஞ்சிகோவில் பிரிவு அருகே சென்றபோது பின்னால் வேகமாக வந்த கார் மினி வான் மீது பயங்கரமாக மோதியது. இதனால் நிலைதடுமாறிய வேன் சாலையில் கவிழ்ந்து விபத்துக்குள்ளானது.
இந்த விபத்தில் வேன் மற்றும் காரில் இருந்தவர்கள் அதிர்ஷ்டவசமாக உயிர் தப்பினர். மேலும் முட்டைகள் ரோட்டில் சிதறி உடைந்தது. ஏராளமான முட்டைகள் உடைந்து ரோட்டில் ஆறாக ஓடியதால் அங்கு போக்குவரத்து கடுமையாக பாதிக்கப்பட்டது. இதுகுறித்து வழக்குபதிவு செய்த போலீசார் விசாரணை நடத்தி வருகின்றனர்.