பால் வேன் மீது லாரி மோதிய விபத்தில் வாலிபர் பலியான சம்பவம் சோகத்தை ஏற்படுத்தியுள்ளது.
ஈரோடு மாவட்டத்தில் உள்ள செங்கோடம்பாளையம் பகுதியில் கார்த்திகேயன் என்பவர் வசித்து வருகிறார். இவருக்கு கதிர்வேல்(26) என்ற மகன் இருந்துள்ளார். இவர் பால் வேனில் ஓட்டுனராக வேலை பார்த்து வருகிறார். இந்நிலையில் கருமாண்டம் பாளையத்திலிருந்து கதிர்வேல் பால்வேனில் தனியாருக்கு சொந்தமான பால் பண்ணைக்கு சென்று கொண்டிருந்தார். இவர் சோலார் புதூர் அருகே வந்தபோது எதிரே வேகமாக வந்த சிமெண்ட் லாரி பால் வேன் மீது பயங்கரமாக மோதியது.
இந்த விபத்தில் கதிர்வேல் இடைபாடுகளில் சிக்கி சம்பவ இடத்திலேயே பரிதாபமாக உயிரிழந்தார். இதுகுறித்து அறிந்த போலீசார் அங்கு விரைந்து சென்ற கதிர்வேலின் உடலை மீட்டு அரசு மருத்துவமனைக்கு பிரேத பரிசோதனைக்காக அனுப்பி வைத்தனர். இந்த விபத்து குறித்து வழக்கு பதிந்த போலீசார் லாரி ஓட்டுநரான வீரபத்திரன் என்பவரை கைது செய்து விசாரணை மேற்கொண்டு வருகின்றனர்.