மோட்டார் சைக்கிள் மீது பேருந்து மோதிய விபத்தில் 12-ஆம் வகுப்பு மாணவர் உள்பட 2 பேர் பலியான சம்பவம் பெரும் சோகத்தை ஏற்படுத்தியுள்ளது.
மதுரை மாவட்டத்தில் உள்ள சுண்ணாம்பூர் கிராமத்தில் ஓட்டுநரான அர்ஜுனன் என்பவர் வசித்து வந்துள்ளார். இவருக்கு உதயா என்ற நண்பர் உள்ளார். இந்நிலையில் நண்பர்கள் இருவரும் அதே பகுதியில் வசிக்கும் 12-ஆம் வகுப்பு மாணவரான ஸ்ரீகாந்த் என்பவருடன் திருவாதவூரில் நடைபெற்ற திருவிழாவில் கலந்து கொள்வதற்காக ஒரே மோட்டார் சைக்கிளில் சென்றுள்ளனர். இதனை அடுத்த கட்டையன்பட்டி அருகே சென்று கொண்டிருந்த போது அவ்வழியாக வேகமாக வந்த பேருந்து மோட்டார் சைக்கிள் மீது பயங்கரமாக மோதியது. இந்த விபத்தில் படுகாயமடைந்த அர்ஜுன் மற்றும் ஸ்ரீகாந்த் ஆகியோரும் சம்பவ இடத்திலேயே பரிதாபமாக இறந்துவிட்டனர்.
இதனை அடுத்து படுகாயமடைந்த உதயாவை அருகில் உள்ளவர்கள் மீட்டு மருத்துவமனையில் சிகிச்சைக்காக அனுமதித்துள்ளனர். இதுகுறித்து தகவல் அறிந்த காவல்துறையினர் சம்பவ இடத்திற்கு விரைந்து சென்று அர்ஜுன் மற்றும் ஸ்ரீகாந்த் ஆகியோரின் சடலங்களை கைப்பற்றி அரசு மருத்துவமனைக்கு பிரேத பரிசோதனைக்காக அனுப்பி வைத்துள்ளனர். மேலும் இதுகுறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.