லாரி மீது மோட்டார் சைக்கிள் மோதிய விபத்தில் ராணுவ வீரர் பலியான சம்பவம் சோகத்தை ஏற்படுத்தியுள்ளது.
வேலூர் மாவட்டத்தில் உள்ள வீராகோவிலில் ராணுவ வீரரான தமிழரசன் என்பவர் வசித்து வந்துள்ளார். இவர் பஞ்சாப் மாநிலத்தில் வேலை பார்த்து வந்துள்ளார். இந்நிலையில் ஒரு மாதம் விடுமுறையில் வீட்டிற்கு வந்த தமிழரசன் தனது மோட்டார் சைக்கிளில் சென்னைக்கு சென்றுள்ளார். அதன் பிறகு மீண்டும் சென்னையில் இருந்து தமிழரசன் வேலூர் நோக்கி சென்று கொண்டிருந்தார். இந்நிலையில் சித்தேரிமேடு என்ற இடத்தில் சென்று கொண்டிருந்த போது கட்டுப்பாட்டை இழந்த தமிழரசனின் மோட்டார் சைக்கிள் முன்னால் சென்ற லாரி மீது பயங்கரமாக மோதியது.
இந்த விபத்தில் படுகாயமடைந்த தமிழரசன் சம்பவ இடத்திலேயே பரிதாபமாக உயிரிழந்துவிட்டார். இதுகுறித்து தகவல் அறிந்த காவல்துறையினர் சம்பவ இடத்திற்கு விரைந்து சென்று தமிழரசனின் சடலத்தை கைப்பற்றி அரசு மருத்துவமனைக்கு பிரேத பரிசோதனைக்காக அனுப்பி வைத்துள்ளனர். மேலும் இதுகுறித்து வழக்குப்பதிவு செய்த காவல்துறையினர் லாரி ஓட்டுநரான சதீஷ்குமார் என்பவரை கைது செய்து விசாரணை மேற்கொண்டு வருகின்றனர்.