கூலித்தொழிலாளி மீது லாரி மோதியதில், அவர் உடல் நசுங்கி உயிரிழந்த சம்பவம் குறித்து போலீசார் விசாரித்து வருகின்றனர்.
நாமக்கல் மாவட்டம் பரமத்தி வேலூரை அடுத்துள்ள சானார்பாளையம் பகுதியில் பொன்னுசாமி என்பவர் வசித்து வந்துள்ளார். கூலித்தொழிலாளியான இவர் சம்பவத்தன்று அப்பகுதியில் உள்ள கல்லங்காடு தங்காயி அம்மன் கோவில் அருகே நடந்து சென்று கொண்டிருந்துள்ளார். அப்போது அப்பகுயில் நின்று கொண்டிருந்த மணல் லாரி திடீரென பின்னோக்கி நகர்ந்ததை கவனிக்காமல் பொன்னுசாமி நடந்து சென்றதால் லாரியின் பின் சக்கரத்தில் சிக்கியுள்ளார்.
இந்த கோர விபத்தில் பொன்னுசாமி உடல் நசுங்கி சம்பவ இடத்திலேயே பரிதாபமாக உயிரிழந்துள்ளார். இதனை பார்த்த லாரி டிரைவர் உடனடியாக அங்கிருந்து தப்பியோடியுள்ளார். இச்சம்பவம் குறித்து தகவலறிந்து சம்பவ இடத்திற்கு விரைந்து சென்ற காவல்துறையினர் வழக்குபதிவு செய்து தப்பியோடிய லாரி டிரைவரை வலைவீசி தேடி வருகின்றனர்.