தென் அமெரிக்க நாடான ஈகுவேடாரில் 3 சிறைச்சாலைகளில் நடந்த கலவரத்தில் 62 சிறைவாசிகள் உயிரிழந்துள்ளனர்.
தென் அமெரிக்க நாடான ஈகுவேடாரில் இருக்கும் 3 சிறைச்சாலைகளில் தலைமைத்துவ பிரச்சினைகளினால் இருதரப்பினரிடையே பயங்கர மோதல் ஏற்பட்டுள்ளது. இதனால் காவல்துறையினர் அவர்களை போராடி கட்டுப்படுத்தினர். இதனைத்தொடர்ந்து காவல்துறையினருக்கு உதவுவதற்காக ராணுவமும் நிறுத்தப்பட்டுள்ளது. எனினும் இந்த வன்முறையில் 62 கைதிகள் உயிரிழந்ததாக தகவல் வெளியாகியிருக்கிறது.
இதனால் பதற்றமடைந்த சிறைக்கைதிகளின் குடும்பத்தினர்கள் ஈகுவடாரின் மேற்கு துறைமுக நகரம் Guayaquil என்ற சிறைக்கு வெளியில் தகவல்களை அறிய காத்திருந்துள்ளனர். எனவே அதிகாரிகள் வெளியில் வந்து அங்குள்ள சிறையில் 21 கைதிகள் உயிரிழந்ததாக தெரிவித்துள்ளனர். மேலும் தெற்கில் இருக்கும் Cuencaவின் சிறைச்சாலையில் 33 நபர்கள் மற்றும் தென்னமெரிக்காவின் மையத்தில் இருக்கும் Latacuga 8 நபர்களும் உயிரிழந்ததாக அரசின் எஸ்.என்.ஏ தேசிய நிர்வாகக் குழுவின் இயக்குனரான எட்முண்டோ மோன்காயோ என்பவர் தெரிவித்திருக்கிறார்.
மேலும் கிரிமினல் கும்பல்கள் இடையே நடந்த இந்த மோதலில் கைதிகள் மற்றும் காவல் துறையினர் பலரும் காயமடைந்திருப்பதாக அரசு தரப்பு தெரிவிக்கிறது. எனினும் பாதுகாப்பு வீரர்களுக்கு எந்தவித பாதிப்பும் ஏற்படவில்லை. மேலும் ஈகுவேடாரில் இருக்கும் சிறைச்சாலை சந்தை போன்றது என்றும் அங்கு மருந்துகள், ஆயுதங்கள் மற்றும் நாய் குட்டிகள் உட்பட எல்லாம் விற்கப்படுவதாகவும் கூறப்பட்டுள்ளது.