ஆட்டோ ஓட்டுநரை தாக்கிய நபர் கைது செய்யப்பட்டுள்ளார்.
திருநெல்வேலி மாவட்டத்தில் உள்ள திருப்பணிகரிசல்குளத்தில் புதியவன் என்பவர் வசித்து வருகிறார். இவருக்கு முருகன் (40) என்ற மகன் உள்ளார். இவரும் அதே பகுதியை சேர்ந்த பெரிய முருகன் (50). என்பவரும் ஆட்டோ ஓட்டி வருகின்றனர். இந்நிலையில் இருவருக்கும் இடையே பயணிகளை ஆட்டோவில் ஏற்றுவது தொடர்பாக தகராறு ஏற்பட்டுள்ளது.
இதில் பெரிய முருகன் கம்பியால் முருகனை சரமாரியாக தாக்கியதாக கூறப்படுகிறது. இதனால் காயமடைந்த முருகன் பாளையங்கோட்டை ஐகிரவுண்டு அரசு மருத்துவமனையில் சிகிச்சைக்காக அனுமதிக்கப்பட்டுள்ளார். இதுகுறித்த புகாரின் பேரில் பேட்டை போலீசார் வழக்குப்பதிவு செய்து பெரிய முருகனை கைது செய்தனர்.