‘பரதேசி’ படத்தை அடுத்து இயக்குநர் பாலா இயக்கும் படத்தில் அதர்வா மீண்டும் நடிக்க உள்ளதாகத் தகவல் வெளியாகியுள்ளது. இப்படத்தை நடிகர் சூர்யா தனது 2டி என்டர்டெய்ன்மெண்ட் நிறுவனம் மூலம் தயாரிக்க உள்ளார். நாயகியாக கீர்த்தி சுரேஷ் நடிக்ககிறார் என்று கூறப்படுகிறது.இந்த ஆண்டு டிசம்பர் மாதம் படப்பிடிப்பு தொடங்க உள்ளதாக கூறப்படும் நிலையில், இதுகுறித்து அதிகாரப்பூர்வ அறிவிப்பு விரைவில் வெளியாகும் எனவும் தெரிவிக்கப்பட்டுள்ளது.
பாலா இயக்கத்தில், அதர்வா நடித்து கடந்த 2013ஆம் ஆண்டு வெளியான திரைப்படம், ‘பரதேசி’. தேசிய விருது வென்ற இப்படம்’ரெட் டீ’ என்ற நாவலைத் தழுவி எடுக்கப்பட்டது. அதனால் பாலா – அதர்வா கூட்டணியில் வெளிவரும் இப்படம் சினிமா ரசிகர்களுக்கு நிச்சயம் நல்ல விருந்தாக இருக்கும் என எதிர்ப்பார்க்கப்படுகிறது.