கடைக்குள் புகுந்த லாரியிடமிருந்து 2 பேர் அதிர்ஷ்டவசமாக உயிர் தப்பியுள்ள சம்பவம் அதிர்ச்சியை ஏற்படுத்தியுள்ளது.
கோவையிலிருந்து பாலக்காட்டை நோக்கி கண்டெய்னர் லாரி ஒன்று சாலையில் சென்று கொண்டிருந்துள்ளது. அப்போது திடீரென பிரேக் பிடிக்காததால் சாலையோரம் இருந்த கடையில் மோதி விபத்துக்குள்ளாகியுள்ளது. வாளையாறு சோதனைச் சாவடியை கடந்து வந்த லாரியை சாலையோரத்தில் நிறுத்த ஓட்டுனர் முயற்சி செய்திருக்கிறார்.
ஆனால் கட்டுப்பாட்டை இழந்த லாரி சாலையில் நிறுத்தி வைக்கப்பட்டிருந்த பைக் மீது மோதியுள்ளது. இதனால் பைக் சரிந்து விழுந்து லாரி கடைகள் புகுந்துள்ளது. அப்போது அங்கு நின்று கொண்டிருந்த இருவர் அலறியடித்து ஓட்டம் பிடித்துள்ளனர். இந்த சம்பவத்தில் அதிர்ஷ்டவசமாக யாருக்கும் எந்த பாதிப்பும் ஏற்படாமல் இருந்துள்ளது பெரும் நிம்மதியை கொடுத்துள்ளது.