கேரளா மாநிலம் திருவனந்தபுரத்தை சேர்ந்த 22 வயதான பெண் எம்.எஸ்.கே நகரில் வசிக்கும் திலிப் என்ற சாமியாரிடம் சென்று தன் திருமண பிரச்சனைகளுக்குப் பரிகாரம் வேண்டியுள்ளார். அப்போது சாமியார் ஒரு பிரசாதத்தை கொடுத்தார். அதை சாப்பிட்டதும் அந்த பெண் மயங்கி விழுந்துள்ளார். பின்னர் அந்த சாமியார் பெண்ணை பாலியல் பலாத்காரம் செய்து நிர்வாணமாக போட்டோ எடுத்து அடிக்கடி பாலியல் தொல்லை செய்தது, மட்டுமல்லாமல் அவரிடமிருந்து 30 சவரன் நகைகளையும் பறித்து கொண்டுள்ளார்.
ஒரு கட்டத்தின் மேல் கொடுமைகளைத் தாங்க முடியாத அந்த பெண் அருகில் உள்ள காவல் நிலையத்தில் சாமியார் மீது புகார் அளித்தார். இதை தொடர்ந்து நேற்று கோட்டை போலீசார் சாமியாரை கைது செய்து நீதிமன்றத்தில் ஆஜர்படுத்தினர். அந்தப் பெண்ணுக்கு நிச்சயதார்த்தம் நடக்க உள்ள நிலையில் இதுபோன்ற சம்பவம் அரங்கேறியுள்ளது பெரும் அதிர்ச்சியை ஏற்படுத்தியுள்ளது.