பர்கூர் அருகே லாரி மீது கார் மோதியதில் எட்டு பேர் காயமடைந்த நிலையில் சிகிச்சை பெற்று வருகின்றார்கள்.
ஆந்திர மாநிலத்தில் உள்ள கடப்பா பகுதியை சேர்ந்த சுஜாதா, அருணா குமாரி, சுகாஷ், பிரசாந்தி, சின்வி, ஷெப்பன் மற்றும் டிரைவர் மகேஷ் உள்ளிட்ட 8 பேரும் சுற்றுலாவிற்காக ஊட்டிக்கு புறப்பட்டு உள்ளனர். அப்பொழுது கிருஷ்ணகிரி மாவட்டத்தில் உள்ள சின்ன பருகூர் அருகே வந்த பொழுது முன்னாள் சென்ற லாரி மீது கார் மோதியது.
இதில் டிரைவரின் கட்டுப்பாட்டை இழந்த கார் 100 அடி தூரம் பறந்து சென்று சாலையோரம் உள்ள கடை மீது மோதி நின்றது. இவ்விபத்தில் காரின் முன் பகுதி நொறுங்கியது. மேலும் காரில் இருந்த 8 பேருக்கும் காயம் ஏற்பட்டது. இதையடுத்து அங்கிருந்தவர்கள் அவர்களை மீட்டு அரசு மருத்துவமனையில் அனுமதித்தார்கள். தற்பொழுது அவர்களுக்கு சிகிச்சை அளிக்கப்பட்டு வருகின்றது. இந்நிலையில் போலீசார் வழக்கு பதிவு செய்து விசாரணை மேற்கொண்டு வருகின்றார்கள்.