நடிகர் அருண் விஜய் படத்தின் புதிய அப்டேட் வெளியாகியுள்ளது.
தமிழ் சினிமாவில் பிரபலமான நடிகராக அருண் விஜய் வலம் வருகிறார். இவர் நடித்த யானை படம் சமீபத்தில் ரிலீஸ் ஆகி நல்ல வரவேற்பை பெற்றது. இவர் தற்போது தமிழ் ராக்கர்ஸ் என்ற வெப்சீரிசிலும், சினம் என்ற படத்திலும் நடித்துள்ளார். அதன் பிறகு அருண் விஜய் இயக்குனர் அறிவழகன் இயக்கத்தில் பார்டர் என்ற திரைப்படத்தில் நடித்துள்ளார். இந்த படத்தில் ரெஜினா மற்றும் ஸ்டெஃபி படேல் ஆகிய 2 பேரும் ஹீரோயின்களாக நடித்துள்ளனர். இந்த படத்தை விஜய் ராகவேந்திரா தயாரிக்க, சாம் சிஎஸ் இசையமைத்துள்ளார்.
இந்த படத்தின் படப்பிடிப்பு கடந்த வருடம் நிறைவடைந்த நிலையில், படத்தின் ரிலீஸ் தேதி தொடர்பான அறிவிப்பு பலமுறை வெளியாகி தள்ளிப் போனது. இந்நிலையில் பார்டர் படக் குழுவினர் மீண்டும் படத்தின் புதிய தேதியை அறிவித்துள்ளனர். அதன்படி வருகிற அக்டோபர் 5-ம் தேதி படம் ரிலீஸ் ஆகும் என்று அறிவித்ததோடு, ஒரு போஸ்டரையும் வெளியிட்டுள்ளனர். மேலும் பலமுறை ரிலீஸ் தேதி தள்ளிப்போன பார்டர் படம் தற்போதாவது ரிலீஸ் ஆகுமா? என ரசிகர்கள் மிகுந்த எதிர்பார்ப்பில் இருக்கின்றனர்.
Really happy that my much awaited film #BORRDER will be coming to you all soon!! https://t.co/8ETMP9MFLI
— ArunVijay (@arunvijayno1) August 27, 2022