மரத்திலிருந்து கீழே விழுந்து விவசாயி பலியான சம்பவம் சோகத்தை ஏற்படுத்தியுள்ளது.
அரியலூர் மாவட்டத்தில் உள்ள பெரியகருக்கை கிராமத்தில் விவசாயியான ராமலிங்கம்(55) என்பவர் வசித்து வந்துள்ளார். இவர் ராமமூர்த்தி என்பவரது நிலத்தில் இருக்கும் பலா மரத்தில் ஏறி ஆடுகளுக்கு தழை வெட்டியுள்ளார். அப்போது எதிர்பாராதவிதமாக ராமலிங்கம் மரத்திலிருந்து கீழே விழுந்து படுகாயமடைந்தார்.
இதனை பார்த்து அதிர்ச்சியடைந்த அக்கம் பக்கத்தினர் உடனடியாக ராமலிங்கத்தை மீட்டு மருத்துவமனையில் சிகிச்சைக்காக அனுமதித்தனர். ஆனால் சிகிச்சை பலனின்றி ராமலிங்கம் பரிதாபமாக உயிரிழந்தார். இதுகுறித்து வழக்குப்பதிவு செய்த காவல்துறையினர் விசாரணை நடத்தி வருகின்றனர்.