ம.தி.மு.க.வினர் போராட்டத்தில் ஈடுபட்ட சம்பவம் பரபரப்பை ஏற்படுத்தியுள்ளது.
திருவாரூர் மாவட்டத்தில் உள்ள ரெயில் நிலையம் முன்பு ம.தி.மு.க. இளைஞர் அணி சார்பில் போராட்டம் நடைபெற்றது. இந்த போராட்டமானது மாவட்ட செயலாளர் பாலகிருஷ்ணன் தலைமையில் நடைபெற்றது. இந்நிலையில் மத்திய பல்கலைக்கழகங்களில் இளநிலை படிப்புகளுக்கான பொது தேர்வை ரத்து செய்ய வேண்டும். முனைவர் பட்ட மாணவர்களை தேர்ந்தெடுக்கும் உரிமையை பறிக்கக்கூடாது உள்ளிட்ட பல்வேறு கோரிக்கைகளை வலியுறுத்தி இந்த போராட்டம் நடைபெற்றது.
இதில் மாவட்ட செயலாளர் ஸ்ரீதரன், நாகை தமிழ்ச்செல்வன், துரைசிங்கம், மாநில துணை செயலாளர் முருகன், மாநில இளைஞரணி அமைப்பாளர் ஆசைத்தம்பி, மாநில மாணவரணி அமைப்பாளர் சசிகுமார், மாநில கொள்கை விளக்க அணி துணை செயலாளர் சீனிவாசன் உள்ளிட்ட பலர் கலந்து கொண்டு கோரிக்கைகளை வலியுறுத்தி கோஷம் எழுப்பியுள்ளனர். இதனால் அப்பகுதியில் சிறிது நேரம் பரபரப்பு ஏற்பட்டது.