நயன்தாரா நடிப்பில் உருவாகி பல வருடங்களாக வெளியாகாமல் இருந்த திரைப்படம் தற்போது ரிலீசுக்கு தயாராகி வருகிறது .
தமிழ் திரையுலகில் முன்னணி நடிகையாக வலம் வரும் நயன்தாராவுக்கு ஏராளமான ரசிகர்கள் உள்ளனர். இவர் தமிழில் மட்டுமல்லாது மலையாளம், தெலுங்கு மொழித் திரைப்படங்களிலும் நடித்து வருகிறார். அந்த வகையில் பிரபல தெலுங்கு நடிகர் கோபிசந்த் நடிப்பில் உருவான ஆறடுகுலா புல்லட் படத்தில் நயன்தாரா கதாநாயகியாக நடித்துள்ளார். முதலில் இந்த படத்தை தமிழ் இயக்குனர் பூபதி பாண்டியன் இயக்க இருந்தார். இதையடுத்து ஒரு சில காரணங்களால் அவர் விலகி விட்டதால் தெலுங்கு இயக்குனர் கோபால் இந்த படத்தை இயக்கினார் .
கடந்த 2012-ஆம் ஆண்டு இந்த படத்தின் படப்பிடிப்புகள் நிறைவடைந்தது. இதன்பின் கடந்த 2017-ஆம் ஆண்டு இந்த படத்திற்கு சென்சார் சான்றிதழ் கிடைத்தது. இருப்பினும் ஒரு சில பிரச்சனைகளால் இந்த படம் ரிலீஸாகாமல் இருந்தது . இந்நிலையில் இந்த படத்தின் அனைத்து பிரச்சனைகளும் முடிந்துவிட்டதாகவும், விரைவில் இந்த படம் திரையரங்குகளில் ரிலீஸாக உள்ளது என்றும் தகவல் வெளியாகியுள்ளது .