1 முதல் 10ஆம் வகுப்பு வரை பயிலும் மாணவர்களுக்கு காலாண்டு தேர்வுகள் செப்டம்பர் 26-ல் தொடங்கி 30 ஆம் தேதி வரை நடைபெறுகிறது. 11 மற்றும் 12ஆம் வகுப்பு மாணவர்களுக்கு செப்டம்பர் 23 முதல் 30 வரை காலாண்டு தேர்வுகள் நடைபெறுகிறது. காலாண்டு தேர்வுக்குப் பின் ஒரு வாரம் பள்ளிகளுக்கு விடுமுறை அளிக்கப்படும். பின்பு அக்டோபர் 6- ல் மீண்டும் பள்ளிகள் திறக்கப்படும் என பள்ளிக்கல்வித்துறை தெரிவித்துள்ளது.
மேலும், 6ஆம் வகுப்பு முதல் 10ஆம் வகுப்பு வரையிலான மாணவர்களுக்கு முதல் பருவ தேர்வு தேதிகள் அறிவிக்கப்பட்டுள்ளது. இதன்மூலம் செப்டம்பர் 26ஆம் தேதி மொழி பாடத்தின் மூலம் தொடங்கும் இந்த தேர்வு, 30ஆம் தேதி சமூக அறிவியல் பாடத்தின் மூலம் நிறைவு பெறுகிறது. அட்டவணை: செப்டம்பர் 26: மொழிப் பாடம், செப்டம்பர் 27: ஆங்கிலம், செப்டம்பர் 28: கணிதம், செப்டம்பர் 29: அறிவியல், செப்டம்பர் 30: சமூக அறிவியல்