நடமாடும் நூலகத்தில் இருந்த புத்தகங்களை மாணவ மாணவிகள் ஆர்வத்துடன் படித்தனர்.
கோயம்புத்தூர் மாநகராட்சியின் சார்பில் “உங்களை தேடி நூலகம்” என்ற பெயரில் நடமாடும் நூலகம் தொடங்கப்பட்டுள்ளது. இந்நிலையில் வ.உ.சி பூங்கா, வாலாங்குளம், ரேஸ்கோர்ஸ், உக்கடம் பெரியகுளம் உள்பட பல முக்கிய இடங்களுக்கு நடமாடும் நூலகம் சென்று வருகிறது. நேற்று கெம்பட்டி காலனி மாநகராட்சி மேல்நிலைப் பள்ளிக்கு சென்ற நடமாடும் நூலகத்தில் இருந்த புத்தகங்களை மாணவ மாணவிகள் ஆர்வத்துடன் எடுத்து படித்தனர்.
இதுகுறித்து மாநகராட்சி ஆணையாளர் பிரதாப் கூறியதாவது, கோவை மாநகராட்சியில் இருக்கும் 42 பள்ளிகளுக்கு நடமாடும் நூலகம் செல்லவிருக்கிறது. எனவே புத்தகங்களை படித்து மாணவ மாணவிகளும், பொதுமக்களும் பயன்பெற வேண்டும் என கூறியுள்ளார்.