பள்ளிகள் திறக்கும் நேரத்தில் திடீர் மாற்றம்…. தமிழக அரசின் முடிவு என்ன…?

வெயிலின் தாக்கத்தை கருத்தில் கொண்டு பள்ளிகள் செயல்படும் நேரத்தை மாற்றி அமைக்க கோரிக்கை எழுந்துள்ளது.

தமிழ்நாடு ஆசிரியர் சங்க மாநில தலைவர் இளங்கோவன் வெளியிட்டுள்ள அறிக்கையில், ஆட்சி பொறுப்பு ஏற்றதில் இருந்து தமிழகத்தை இந்திய மாநிலங்களிலேயே முதல் மாநிலமாக மாற்றி வரும் மாண்புமிகு முதல்வர் அவர்களுக்கு தமிழ்நாடு ஆசிரியர் சங்கம் சார்பில்வாழ்த்திப் பாராட்டுகிறேன். மேலும் கோடை விடுமுறை காலங்களில் பள்ளி நடைபெறக்கூடிய காலகட்டங்களில் பள்ளி நேரத்தை மாற்றியமைக்க வேண்டும். கடந்த காலங்களை விடவும் வெயிலின் உக்கிரம் இந்த வருடம் ஆரம்பத்திலேயே அதிகமாக உள்ளது.

மேலும் நாடு முழுவதும் சுட்டெரிக்கும் வெயில் கருத்தில் கொண்டு மாணவர்களின் நலன் கருதி பள்ளிகள் இயங்கும் நேரம் சில மாநிலங்களில் மாற்றியமைக்கப்பட்டுள்ளது குறிப்பிடத்தக்கதாகும்.ஆந்திராவில்  பள்ளி நேரம் என்பது காலை 8 மணிக்கு தொடங்கி 11 மணிக்கு நிறைவடைகிறது. அதேபோல கர்நாடகத்தில் தேர்வு வைத்து பள்ளிகளுக்கு விடுமுறை அளித்துள்ளது. இந்நிலையில் தமிழ்நாட்டில் இப்போது வெயில் சதத்தை தாண்டி இருக்கிறது. எதிர்வரும் காலங்களில் வெயில் உச்சத்தை தொடும் வெயிலின் தாக்கத்தினால் பல்வேறு சரும நோய்கள், காய்ச்சலால்  குழந்தைகளுக்கு சகஜ தன்மை மாறுகிறது. உடலும் உள்ளமும் ஒருசேர ஒழுங்காக இருந்தால் மட்டுமே கற்றலும் கற்பித்தலும் சிறப்பாக நடக்கும்.

இந்நிலையில் தற்போது 1 முதல் 9 ஆம் வகுப்பு வரை மே 13 வரைக்கும் 10 முதல் 12 வரை மே 30 வரை திட்டமிடபட்டுள்ளது. வெய்யிலின் கோரத்தாண்டவத்தை சமாளிக்கும் வகையில் மே மாதம் தேர்வு முடியும் வரை பள்ளி நேரத்தைகாலை 7.30 லிருந்து 12.30 வரை மாற்றியமைத்து மாணவர்களை பேணும்படி முதலமைச்சர் அவர்களை தமிழ்நாடு ஆசிரியர் சங்கம் சார்பில் பணிவுடன் வேண்டுகின்றேன்” என கூறியுள்ளார்.