தமிழகத்தில் வருகின்ற 16ஆம் தேதி முதல் பள்ளிகள் திறப்பது பற்றி பெற்றோர்களிடம் கருத்து கேட்பு கூட்டம் தொடங்கியுள்ளது.
கொரோனா அச்சுறுத்தல் காரணமாக கடந்த மார்ச் மாதம் முதல் மாநிலம் முழுவதிலும் உள்ள பள்ளி மற்றும் கல்லூரிகள் மூடப்பட்டுள்ளன. தற்போது ஊரடங்கு தளர்வுகள் அறிவிக்கப்பட்டு வருகின்ற நிலையில், மத்திய அரசு பள்ளிகள் திறப்பதற்கு அனுமதி வழங்கியுள்ளது. அதனால் பல்வேறு மாநிலங்கள் கடந்த மாதம் தொகுப்புகளை தொடங்கியுள்ளன. தமிழக அரசு அக்டோபர் 31ம் தேதியும் முக்கிய அறிவிப்பை வெளியிட்டது.
அதில் பள்ளிகள் மற்றும் கல்லூரிகள், பல்கலைக்கழகங்கள் அனைத்தும் நவம்பர் 16ஆம் தேதி முதல் திறக்கப்படும் என்று அறிவித்திருந்தது. அதிலும் குறிப்பாக 9 முதல் 12-ம் வகுப்பு மாணவர்களுக்கு மட்டுமே வகுப்புகள் தொடங்கும் என்று அறிவித்தது. இந்த நிலையில் பள்ளிகள் திறப்பது பற்றி வருகின்ற ஒன்பதாம் தேதி கருத்து கேட்பு கூட்டம் நடைபெற உள்ளது என தமிழக அரசு அதிகாரப்பூர்வமாக அறிவித்தது.
அதன்படி தமிழகம் முழுவதிலும் இருக்கின்ற 9 முதல் 12 ஆம் வகுப்பு வரையிலான வகுப்புகளில் உள்ள பள்ளிகளில் சம்பந்தப்பட்ட மாணவ மாணவிகள் மற்றும் பெற்றோர்களிடம் கருத்துக்கேட்பு கூட்டம் இன்று சென்னையில் உள்ள பள்ளிகளில் தொடங்கியுள்ளது. பெற்றோர்கள் மற்றும் மாணவர்கள் அனைவரும் தங்கள் கருத்துக்களை கூறி வருகிறார்கள். கூட்டத்தில் பங்கேற்க முடியாதவர்கள் பள்ளிகள் திறப்பு பற்றி கடிதம் மூலமாக தங்கள் கருத்துக்களை தெரிவிக்கலாம் என்று கூறப்பட்டுள்ளது. இந்த கருத்து கேட்பு கூட்டம் முடிவடைந்த பின்னர் நல்ல முடிவு எடுக்கப்பட்ட பள்ளி திறப்பு பற்றி அரசு நல்ல முடிவை தெரிவிக்கும்.