நாடு முழுவதும் கொரோனா காரணமாக பள்ளிகள் மற்றும் கல்லூரிகள் மூடப்பட்டன. இதனால் மாணவர்களுக்கு ஆன்லைன் வழியாக பாடங்கள் நடத்தப்பட்டு வந்தது. இந்நிலையில் தற்போது அடுத்த கல்வியாண்டு தொடங்கி விட்டது. இதற்கு மத்தியில் நோய்த்தொற்றை கட்டுப்படுத்த தொடர்ச்சியாக ஊரடங்கு அமல்படுத்தப்பட்டது. இதன் காரணமாக பாதிப்பு எண்ணிக்கை சற்று குறைந்துள்ளது.
இதனால் ஒரு சில மாநிலங்களில் தளர்வுகள் அறிவிக்கப்பட்டு வருகிறது. அதன்படி ஒருசில மாநிலங்களில் பள்ளிகள் திறக்கப்பட்டு வருகின்றது. இந்நிலையில் பள்ளிகள் திறப்பு குறித்து நாடு முழுவதும் 361 மாவட்டங்களில் நடத்தப்பட்ட ஆய்வில் தங்கள் மாவட்டத்தில் ஒருவருக்குக்கூட கொரோனா இல்லை என்பதை உறுதி செய்த பிறகே குழந்தைகளை பள்ளிக்கு அனுப்புவோம் என்று 32% பெற்றோர்கள் தெரிவித்துள்ளதாக தெரியவந்துள்ளது. 48% பெற்றோர்கள் குழந்தைகளுக்கு தடுப்பூசி செலுத்தும் வரை பள்ளிக்கு அனுப்ப விருப்பம் இல்லை என்றும், 21% பெற்றோர்கள் பள்ளிக்கு அனுப்ப தயார் என்றும் தெரிவித்துள்ளதாக தகவல் வெளியாகியுள்ளது.