காணாமல் போன பள்ளி மாணவியை போலீசார் தீவிரமாக தேடி வருகின்றனர்.
கரூர் மாவட்டத்தில் உள்ள தோகைமலை பகுதியில் நீலாவதி என்பவர் வசித்து வருகிறார். இவருக்கு பிரியதர்ஷினி(17) என்ற மகள் உள்ளார். இவர் அப்பகுதியில் இருக்கும் அரசு பள்ளியில் 12-ஆம் வகுப்பு படித்து வருகிறார். நேற்று முன் தினம் பள்ளிக்கு சென்ற பிரியதர்ஷினி மாலை நீண்ட நேரம் ஆகியும் வீட்டிற்கு திரும்ப வரவில்லை. இதனால் அதிர்ச்சியடைந்த பெற்றோர் பிரியதர்ஷினியை பல்வேறு இடங்களில் தேடிப் பார்த்தனர்.
ஆனாலும் அவர் கிடைக்கவில்லை. இதனால் நீலாவதி தோகைமலை காவல் நிலையத்தில் புகார் அளித்தார். அந்த புகாரின் பேரில் வழக்கு பதிவு செய்த போலீசார் பிரியதர்ஷினியை யாரேனும் கடத்தி சென்றார்களா என பல்வேறு கோணங்களில் விசாரணை நடத்தி வருகின்றனர்.