தமிழக அரசு மக்களுக்காக பல்வேறு சலுகைகளை அறிவித்து வருகிறது. குறிப்பாக பள்ளி மாணவர்களுடைய கல்வியில் முன்னேற்றம் வேண்டும் என்பதற்காக ஏகப்பட்ட சலுகைகள் அரசால் வழங்கப்பட்டு வருகிறது. மேலும் பல தொண்டு நிறுவனங்களும் மாணவர்களுக்கு தேர்வு நடத்தி அதில் வெற்றி பெறுவோருக்கு உதவித்தொகை வழங்கி வருகிறது. இந்நிலையில் வித்யார்த்தி விஞ்ஞான் மந்தன் சார்பில் இணை வழியில் அறிவியல் விழிப்புணர்வு திறனறித் தேர்வு 2022 நவம்பர் 27 மற்றும் நவம்பர் 30ஆம் தேதிகளில் நடைபெற உள்ளது. இந்த தேர்வில் 6, 11ஆம் வகுப்பு வரை உள்ள மாணவர்கள் கலந்து கொள்ளலாம்.
இதில் வெற்றி பெறும் மாணவர்களுக்கு மாவட்ட அளவில், மாநில அளவில், தேசிய அளவில் பரிட்சைகள் உண்டு. மேலும் தேசிய அளவில் வெற்றி பெறும் மாணவவர்களுக்கு மாதம் 2000 உதவி தொகை ஒரு வருடத்திற்கு வழங்கப்படும். இந்த தேர்வுக்கு விண்ணப்பிக்க மாணவர்கள் vvm.org.in என்ற இணையதளத்திற்கு செல்லவும்.