தமிழகத்தில் உள்ள பள்ளி மாணவர்களின் தமிழ்மொழி திறனை மேம்படுத்தும் வகையில் கடந்த அக்டோபர் மாதம் அரசு சார்பில் திறனறித் தேர்வு நடத்தப்பட்டது. இந்த தேர்வில் 1500 மாணவர்கள் தேர்ந்தெடுக்கப்பட்டு அவர்களுக்கு பள்ளிக்கல்வித்துறை மூலமாக ஒரு மாதம் 1500 வீதம் இரண்டு ஆண்டுகளுக்கு ஊக்க தொகை வழங்கப்படும். இதில் 50 சதவீதம் அரசு பள்ளி மாணவர்களும் மீதமுள்ள 50 சதவீதத்துக்கு பிற தனியார் பள்ளி மாணவர்களும் தேர்வு செய்யப்படுவார்கள்.
இந்த தேர்வில் வெற்றி பெறும் 1,500 மாணவர்களுக்கு இரண்டு ஆண்டுகளுக்கு மாதம்தோறும் ரூ.1,500 ஊக்கத்தொகை வழங்கப்படும். இந்த நிலையில் இந்த தேர்வுகளுக்கான முடிவுகளை இன்று அமைச்சர் அன்பில் மகேஷ் வெளியிட்டார். தேர்வு முடிவுகளை அரசின் அதிகாரப் பூர்வ இணையதளத்தில் சென்று தெரிந்து கொள்ளலாம்.