பழனி முருகன் கோவிலுக்கு வரும் பக்தர்களுக்கு முக கவசம் கட்டாயம் என்று கோவில் நிர்வாகம் தெரிவித்துள்ளது.
தமிழகத்தில் கடந்த சில நாட்களாக கொரோனா தொற்று தொடர்ந்து அதிகரித்து வருகின்றது. குறிப்பாக பி ஏ 5 என்ற வைரஸ் தமிழகத்தில் 25 சதவீதம் காணப்படுகிறது. முக்கியமாக தமிழகத்தில் நகர்ப்பகுதிகளில் தொற்று பரவல் அதிகரித்து வருகிறது. இவற்றை கட்டுப்படுத்த நோய் தடுப்பு நடவடிக்கைகளில் தீவிரம் காட்ட வேண்டியது அவசியம். எனவே தமிழக அரசின் வழிகாட்டு நெறிமுறைகளை பொதுமக்கள் கடைபிடிக்காத நிலையில் அதனை தீவிரப்படுத்தும் முயற்சியில் அரசு ஈடுபட்டுள்ளது. இதன் ஒருபகுதியாக தமிழகத்தின் முகக் கவசம் அணிதல் இன்று முதல் கட்டாயமாக்கப்பட்டுள்ளது. மேலும் முக கவசம் அணியாதவர்களுக்கு அபராதம் விதிக்கப்படும் எனவும், சுகாதாரத்துறை எச்சரித்துள்ளது
இந்நிலையில் பழனி முருகன் கோவிலுக்கு சாமி தரிசனம் செய்ய வரும் பக்தர்கள் அனைவரும் கட்டாயம் முக கவசம் அணிந்து வரவேண்டும் என்று கோவில் நிர்வாகம் சார்பில் அறிவுறுத்தப்பட்டுள்ளது. மலை கோவிலுக்கு சாமி தரிசனம் செய்ய வரும் பக்தர்கள் அணிந்து வந்தால் மட்டுமே உள்ளே அனுமதி வழங்கப்படும் என தெரிவிக்கப்பட்டுள்ளது. கொரோனா வைரஸ் தொற்று பரவாமல் தடுக்க பக்தர்கள் ஒத்துழைப்பு தரவேண்டும் என்று அறநிலையத்துறை சார்பில் அறிவிப்பு செய்யப்பட்டு வருகிறது.