லோகேஷ் கனகராஜ் இயக்கத்தில் உலகநாயகன் கமலஹாசன் நடித்து கடந்த ஜூன் 3-ம் தேதி வெளியான திரைப்படம் விக்ரம். இந்த திரைப்படம் விமர்சன ரீதியாகவும், வசூல் ரீதியாகவும் மாபெரும் வெற்றி பெற்றது. மேலும் தமிழ் ரசிகர்களின் எதிர்பார்ப்பை பூர்த்தி செய்த படமாகவும் இந்த படம் அமைந்திருந்தது.
இந்நிலையில் தமிழ்நாட்டில் அதிகம் வசூல் செய்த திரைப்படங்கள் பட்டியலில் பாகுபலி-2 படத்தின் சாதனையை விக்ரம் முறியடித்துள்ளது. உலகம் முழுவதும் ஆயிரம் கோடிக்கு மேல் வசூல் செய்த பாகுபலி-2 தமிழகத்தில் 155 கோடி வசூலித்தது. இந்நிலையில் விக்ரம் திரைப்படம் தமிழகத்தில் 160 கோடி வசூல் செய்து அந்த சாதனையை முறியடித்துள்ளது. இந்த திரைப்படம் உலகம் முழுவதும் 400 கோடிக்கும் மேல் அதிகமாக வசூல் செய்துள்ளது என்பது குறிப்பிடத்தக்கது.