அடையாளம் தெரியாத வாகனம் மோதிய விபத்தில் பாதயாத்திரையாக சென்ற பக்தர் உயிரிழந்த சம்பவம் சோகத்தை ஏற்படுத்தியுள்ளது.
தேனி மாவட்டத்திலுள்ள சேடப்பட்டி பகுதியில் ராஜா என்பவர் வசித்து வந்துள்ளார். கடந்த 2 நாட்களுக்கு முன்பு ராஜா அதே பகுதியில் வசிக்கும் பக்தர்களுடன் திண்டுக்கல் மாவட்டத்திலுள்ள பழனிக்கு பாதயாத்திரையாக சென்றுள்ளார். இந்நிலையில் பக்தர்கள் அனைவரும் வத்தலகுண்டு பகுதியில் இருந்து செம்பட்டி நோக்கி நடந்து சென்றுள்ளனர். இதனையடுத்து சிங்காரகோட்டை பகுதியில் ராஜா நடந்து சென்று கொண்டிருந்தபோது அவ்வழியாக வேகமாக வந்த வாகனம் அவர் மீது மோதிவிட்டு நிற்காமல் சென்றுள்ளது.
இதனால் படுகாயமடைந்த ராஜாவை அருகில் உள்ளவர்கள் மீட்டு அரசு மருத்துவமனையில் சிகிச்சைக்காக அனுமதித்துள்ளனர்.ஆனால் அங்கு அளிக்கப்பட்ட சிகிச்சை பலனின்றி ராஜா பரிதாபமாக இறந்துவிட்டார். இது குறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.