பாரதியாரின் பிறந்த நாளையொட்டி எட்டயாபுரத்தில் உள்ள பாரதியார் மணி மண்டபத்தில் “மகாகவி பாரதியும் கண்ணனும்” என்ற தலைப்பில் ஓவிய போட்டி நடைபெற்றது. இதில் மாணவிகள் கலந்து கொண்டு ஓவியம் வரைந்தனர். கோவில்பட்டி ரோட்டரி சங்கம் கொண்டைய ராஜு ஓவிய பயிற்சி பள்ளி பாரதியார் நினைவு அறக்கட்டளை சார்பாக நடைபெற்ற இந்த நிகழ்ச்சிக்கு கோவில்பட்டி ரோட்டரி சங்க தலைவர் ரவி மாணிக்கம் தலைமை தாங்கியுள்ளார்.
மேலும் ரோட்டரி மாவட்ட தலைவர் முத்து செல்வம், ஓவிய பயிற்சி பள்ளி நிர்வாகி முருக பூபதி போன்றோர் முன்னிலை வகித்துள்ளனர். இதனையடுத்து பாரதியார் நினைவு மண்டபம் மற்றும் பாரதி பிறந்த இல்லத்தில் உள்ள பாரதியின் திருவுருவ சிலைக்கு மாலை அணிவித்து மரியாதை செலுத்தியுள்ளனர். அதன்பின் பள்ளி மாணவர்கள் உறுதிமொழி எடுத்துக் கொண்டனர். இதனை தொடர்ந்து மகாகவி பாரதியும் கண்ணனும் என்ற தலைப்பில் மாணவர்கள் ஓவியம் வரைந்தனர். போட்டியில் பங்கேற்ற மாணவிகளுக்கு பரிசுகள் வழங்கப்பட்டது.