தி லெஜண்ட் பட நிகழ்ச்சியில் பல மொழிகளில் பேசி ரசிகர்களை வியப்படைய செய்துள்ளார் சரவணன்.
சரவணா ஸ்டோர் விளம்பரத்தில் நடித்த கடையின் உரிமையாளரான சரவணன், அவர்களே விளம்பரத்தில் நடித்து பிரபலமானார். இவர் விளம்பரங்களில் முன்னணி நடிககைகளுடன் நடித்துள்ளார். இந்நிலையில் இவர் தற்போது ஹீரோவாக தி லெஜெண்ட் படத்தில் நடித்துள்ளார். இவர் திரைப்படத்தில் ஹீரோவாக நடித்து அவரே தயாரித்துள்ளார். இப்படத்தின் கதாநாயகியாக பாலிவுட் நடிகை உர்வசி ரவ்தெலா நடித்திருக்கின்றார். இப்படத்தை ஜே.டி மற்றும் ஜெர்ரி இயக்கி உள்ளனர். மேலும் ஒரு பாடலுக்கு யாஷிகா ஆனந்த் நடனமாடியுள்ளார்.
இத்திரைப்படத்திற்கு ஹாரிஸ் ஜெயராஜ் இசையமைத்துள்ளார். இந்த நிலையில் வருகின்ற ஜூலை 28ஆம் தேதி திரையில் படம் வெளியாக உள்ளதாக அதிகாரப்பூர்வமாக அறிவிக்கப்பட்டிருக்கின்றது. இத்திரைப்படம் பான் இந்தியா திரைப்படமாக வெளியாக இருக்கின்றது குறிப்பிடத்தக்கது. இந்த நிலையில் படவிழாவில் ஊர்வசி ரவுத்தெலா மற்றும் ராய் லட்சுமி உடன் கலந்து கொண்டார் சரவணன். அப்போது மேடையில் தமிழ், தெலுங்கு, ஹிந்தி, ஆங்கிலம் உள்ளிட்ட மொழிகளில் கலந்து பேசினார். இதை பார்த்த ரசிகர்கள் நம்ம லெஜெண்ட்க்கு இத்தனை மொழியில் பேச தெரியுமா என வியந்துபோய் உள்ளனர்.