பிரபல இசையமைப்பாளரான சாம் சி.எஸ் “ஓர் இரவு” திரைப்படத்தின் வாயிலாக தமிழ் திரையுலகிற்கு அறிமுகமானார். இதையடுத்து விக்ரம் வேதா திரைப்படத்தில் இசையமைத்ததன் வாயிலாக இவர் தனக்கான இடத்தை பிடித்தார். இந்த படத்தின் பின்னணிஇசை மற்றும் பாடல்கள் ரசிகர்களை வெகுவாக கவர்ந்தது. அதன்பின் அடங்கமறு, இஸ்பேட் ராஜாவும் இதய ராணியும், ராக்கெட்ரி ஆகிய படங்களுக்கு அவர் இசையமைத்து பலரின் கவனத்தை ஈர்த்தார்.
மேலும் அவர் தமிழ் மட்டுமல்லாது இந்தி, தெலுங்கு உள்ளிட்ட பல மொழி படங்களுக்கும் இசையமைத்து வருகிறார். அண்மையில் இவர் பின்னணி இசையில் விக்ரம் வேதா இந்தி ரீமேக் டிரைலர் வெளியாகி பாலிவுட் ரசிகர்கள் மத்தில் பெரும் வரவேற்பை பெற்றுவருகிறது. இதன் வாயிலாக இந்தி திரையுலகினர் மத்தியில் சாம் சி.எஸ்ஸுக்கு பாராட்டுக்கள் குவிவதோடு, இந்தி பட வாய்ப்புகளும் தேடி வருவதாக தகவல் வெளியாகி இருக்கிறது.