இந்திய குடிமக்களுக்கு ஆதார் என்பது அவசியமான ஒன்றாகவும், அடையாள ஆவணமாகவும் இருக்கிறது. குழந்தைகளுக்காக ஆதார் வாங்குவதற்காக பால் ஆதார் திட்டம் அறிமுகப்படுத்தப்பட்டுள்ளது. இந்த திட்டத்தின் கீழ் 5 வயது வரையிலான குழந்தைகளுக்கு ஆதார் வழங்கப்படுகிறது. இந்த நிலையில் நடப்பு நிதியாண்டின் முதல் நான்கு மாதங்களில் மட்டும் 79 லட்சம் குழந்தைகளுக்கு பால் ஆதார் கார்டு வழங்கப்பட்டுள்ளதாக மத்திய அரசு தெரிவித்துள்ளது.
இது குறித்து மத்திய மின்னணு மற்றும் தகவல் தொழில்நுட்ப அமைச்சகம் வெளியிட்டுள்ள செய்தி குறிப்பில், முதல் நான்கு மாதங்களில் ஐந்து வயது வரம்பிலான 79 லட்சம் குழந்தைகள் ஆதாரில் இணைந்துள்ளனர். மொத்தமாக 2022 மார்ச் 31ம் தேதி வரை 5 வயதுக்குட்பட்ட 2.64 கோடி குழந்தைகள் பால் ஆதார் பெற்றுள்ளார்கள். இதனால் ஜூலை இறுதிவரை பால் ஆதார் பெற்ற குழந்தைகளுடைய எண்ணிக்கை 3.43 கோடியாக உயர்ந்துள்ளது.