தெலுங்கானா மாநிலம் ஹைதராபாத்தில் காதலை ஏற்க மறுத்ததால் காதலியை துப்பாக்கியால் மிரட்டிய இளைஞர்களுக்கு தர்ம அடி விழுந்துள்ளது.
தெலுங்கானா மாநிலம் ஹைதராபாத்தை சாய் நகரை சேர்ந்தவர் பாவனா. இவர் அப்பகுதியில் உள்ள கல்லூரியில் பொறியியல் படித்து வருகிறார். அதே பகுதியை சேர்ந்த அபிஷேக் என்ற நபர் சில நாட்களாக அந்த இளம் பெண்ணை காதலிக்க கோரி தொந்தரவு கொடுத்து வந்துள்ளார்.மேலும் நண்பர்களுடன் சேர்ந்து அந்தப் பெண்ணின் தொலைபேசி எண் மூலமாக தொந்தரவு கொடுத்ததாக கூறப்படுகிறது.
இந்நிலையில் அந்தப் பெண் கல்லூரியை முடித்து விட்டு அவர் சகோதரருடன் இருசக்கர வாகனத்தில் வீடு திரும்பியபோது, அந்த வழியாக வந்த அபிஷேக் இருசக்கர வாகனத்தை நிறுத்தி கையிலிருந்த துப்பாக்கியால் அந்த பெண்ணை மிரட்டி உள்ளார். இதனை கண்ட அப்பகுதி மக்கள் மற்றும் அந்தப் பெண்ணின் சகோதரர் அவருக்கு தர்மஅடி கொடுத்து சாய் நகர் காவல் நிலையத்திற்கு தகவல் அளித்தனர்.
இதனைத்தொடர்ந்து போலீசார் அபிஷேக் என்பவரை அவரை கைது செய்து விசாரணை மேற்கொண்டு வருகின்றனர். காதலை மறுத்ததால் காதலியை துப்பாக்கியால் மிரட்டி இளைஞர்களுக்கு தர்ம அடி கொடுத்த சம்பவம் அப்பகுதியில் பெரும் பரபரப்பை ஏற்படுத்தியுள்ளது