பாஸ்டேக் செயல்படாததால், மினி வேன் ஓட்டுநர் மற்றும் கிளீனரை சரமாரியாக சுங்கச்சாவடி ஊழியர்கள் தாக்கினர். இதனால் 6 பேர் கைது செய்யப்பட்டு இருக்கிறார்கள்.
கர்நாடக மாநிலம் ஆணைகள்ளை சேர்ந்த ஓட்டுனர் ஜெகதீஷ் மினி வேனில் சரக்கு ஏற்றிக்கொண்டு கிருஷ்ணகிரி நோக்கி வந்து இருக்கிறார். அப்போது அத்திப்பள்ளி சுங்கச்சாவடிகள் பாஸ்டேக் செயல்படாத நிலையில் சுங்கச்சாவடி ஊழியர்கள் சுங்கக் கட்டணத்தை கட்ட கூறியிருக்கின்றனர்.
சிறிது நேரத்தில் பாஸ்ட்ரக் வேலை செய்த நிலையில் கட்டணம் பெறப்பட்டதால் மினி வேன் புறப்பட இருக்கிறது. அப்போது மினி வேன் மோதிதாகக் கூறி சுங்கச்சாவடி பெண் ஒருவர் வேன் ஓட்டுனரை தாக்கி இருக்கிறார்.
பதிலுக்கு வேன் ஓட்டுனர் ஜெகதீஸ், அந்த பெண் ஊழியரை தாக்கியதால் இருதரப்பிலும் வாக்குவாதம் ஏற்பட்டு கைகலப்பாக மாறி இருக்கிறது. இந்த நிலையில் சுங்கச்சாவடியில் பணிபுரியும் மற்ற ஊழியர்கள் அனைவரும் ஓட்டுநர் மற்றும் கிளீனரை தாக்கி தரதரவென அலுவலகத்திற்கு இழுத்து சென்று அங்கும் கம்பியால் தாக்கி இருக்கின்றனர்.
காயமடைந்த ஓட்டுனரும் கிளீனர் மருத்துவமனையில் அனுமதிக்கப்பட்டிருக்கின்றனர். சம்பவ இடத்திற்கு வந்த காவல்துறையினர் அங்கிருந்த சிசிடிவியில் பதிவான காட்சிகளை கொண்டு விசாரணை செய்து சுங்கச்சாவடி ஊழியர்கள் 6 பேரை கைது செய்து இருக்கிறார்.