பாரதிய ஜனதா கட்சியின் கொடியேற்ற விழா நடைபெற்றுள்ளது.
கள்ளக்குறிச்சி மாவட்டத்தில் உள்ள திருக்கோவிலூர் பகுதியில் பாரதிய ஜனதா கட்சியின் நிறுவன தின விழா நடைபெற்றது. இந்த விழாவை முன்னிட்டு ஒன்றிய தலைவர் ராமன் கட்சியின் கொடியை ஏற்றினார். அதன்பிறகு கட்சியின் சார்பாக நீர் மோர் பந்தல் திறக்கப்பட்டது. இந்த விழாவிற்கு பா.ஜ.க ஊடகப்பிரிவு தலைவர் மற்றும் தொழிலதிபர் ஆர். கார்த்திகேயன் தலைமை தாங்கினார்.
இந்த நிகழ்ச்சியில் செயற்குழு உறுப்பினர் மற்றும் முன்னாள் எம்.எல்.ஏ கலிவரதன், மாவட்ட தகவல் தொழில்நுட்பபிரிவு பொறுப்பாளர் வசந்தன், ஒன்றிய பொதுச் செயலாளர்கள் பத்ரி நாராயணன், ராஜாஜி ஆகியோர் முன்னிலை வகித்தனர். மேலும் மாவட்ட துணைத்தலைவர் அலமேலு, தொழில் பிரிவு மாவட்ட துணைத்தலைவர் சுனில் ஜெயின், முகையூர் ஒன்றிய தலைவர் எஸ்.தங்கராஜ், ஒன்றிய செயலாளர் நளினி, தில்லை, ஒன்றிய நிர்வாகிகள் எஸ்.முருகன், திருமுருகன், சண்முகவடிவேல், ரவிலால் உள்ளிட்ட பலர் கலந்து கொண்டனர்.