ஹிந்தியில் கடந்த 2015ஆம் ஆண்டு வெளியான ‘பிகு’ திரைப்படத்தின் தமிழ் ரீமேக்கில் நடிகை திரிஷா நடிக்க உள்ளதாக தகவல் வெளியாகியுள்ளது.
தமிழ் திரையுலகில் கடந்த 18 வருடங்களாக நட்சத்திர நாயகியாக வலம் வருபவர் நடிகை திரிஷா. இவர் பல முன்னணி ஹீரோக்களின் திரைப்படங்களில் நடித்து அசத்தியவர். தற்போது இவர் கர்ஜனை, பரமபத விளையாட்டு, 1818, சதுரங்க வேட்டை 2, ராங்கி, சுகர் ஆகிய திரைப்படங்கள் கைவசம் வைத்துள்ளார். இதையடுத்து இயக்குனர் மணிரத்னம் இயக்கும் பொன்னியின் செல்வன் திரைப்படத்தில் முக்கிய கதாபாத்திரத்தில் நடிக்கிறார்.
இந்நிலையில் ஹிந்தியில் கடந்த 2015ஆம் ஆண்டு தீபிகா படுகோனே, அமிதாப் பச்சன், இர்பான் கான் ஆகியோர் நடிப்பில் வெளியாகி வெற்றி பெற்ற ‘பிகு’ திரைப்படத்தின் தமிழ் ரீமேக்கில் நடிகை திரிஷா நடிக்கவுள்ளதாக தகவல் வெளியாகியுள்ளது. இதுகுறித்த அதிகாரப்பூர்வ அறிவிப்பு விரைவில் வெளியாகும் என எதிர்பார்க்கப்படுகிறது.