பிக்பாஸ் கேப்ரியலாவின் லேட்டஸ்ட் புகைப்படம் ஒன்று வெளியாகி இணையத்தில் வைரலாகி வருகிறது.
விஜய் தொலைக்காட்சியில் ஒளிபரப்பான நடன நிகழ்ச்சி மூலம் பிரபலமடைந்தவர் கேப்ரியலா. இவர் நடிகர் தனுஷ் நடிப்பில் வெளியான 3 படத்தில் நடிகை ஸ்ருதிஹாசனுக்கு தங்கையாக நடித்து அசத்தியவர். இதன் பின் ஒரு சில திரைப்படங்களில் நடித்த கேபி பிக்பாஸ் நிகழ்ச்சியின் நான்காவது சீசனில் போட்டியாளராக கலந்து கொண்டு ஏராளமான ரசிகர்கள் மனதில் இடம் பிடித்தார். இந்த நிகழ்ச்சியில் இறுதிப்போட்டி வரை சென்ற கேபி 5 லட்சம் பணத்துடன் பிக்பாஸ் வீட்டில் இருந்து வெளியேறினார் என்பது குறிப்பிடத்தக்கது.
மேலும் இந்த நிகழ்ச்சிக்குப் பிறகு இவர் விஜய் தொலைக்காட்சியில் ஒளிபரப்பாகி வரும் முரட்டு சிங்கிள் நிகழ்ச்சியில் நடுவராக பங்கேற்றுள்ளார். தற்போது இவர் பிக்பாஸ் ஜோடிகள் என்ற புதிய நிகழ்ச்சியில் கலந்து கொண்டுள்ளார். இந்நிலையில் கேபியின் லேட்டஸ்ட் புகைப்படம் ஒன்று வெளியாகியுள்ளது. இந்த அழகிய புகைப்படத்தைப் பார்த்த ரசிகர்கள் பலரும் பிக்பாஸ் கேபியா இது! என ஆச்சரியமடைந்துள்ளனர்.